Gjendet i vdekur Dragan Denoviq nga fshati Zhutkovc i Zveçanit

Gjendet i vdekur Dragan Denoviq nga fshati Zhutkovc i Zveçanit

Zveçan, 10 mars -Trupi i Denoviq Dragan është gjetur të martën në orët e pas ditës në lumin Ibër, në afërsi të fshati Serbovc të komunës së Zvecanit.
Viktima Dragan Denoviq (1954), nga fshati Zhutkovc të Zveçanit, është identifikuar nga vëllai i tij, i cili ishte në kërkim të tij përgjatë shtratit të lumit Ibër, ka thënë zëdhënsi i policisë në Mitrovicë, Besim Hoti.
Lidhur me rastin, policia ka njoftuar prokurorin publik të Prokurorisë së Qarkut në Mitrovicë, i cili ka urdhëruar që trupi i pajetë të dërgohet në Institutin e Mjekësisë ligjore në Prishtinë, për obduksion. Hetuesit policor janë në pritje të raportit zyrtar të ekspertëve mjeko ligjor mbi shkaktarin e vdekjes.
Trupi i pajetë i viktimës ishte gjetur rreth 1.5 metra afër bregut të lumit Ibër në fshatin Serbovc, diku rreth 2 kilometra larg nga vendi ku besohej se viktima të kishte rënë në ujë në fshatin Grabovc, ka thëbn policia.
Denoviq nga fshati Zhytkofcë i Zvecanit, është lajmruar në polici si i zhdukur që nga 3 marsi i këtij viti.