Myftinia e Shkupit kërkon kthimin e Suli Hanit

Myftinia e Shkupit kërkon kthimin e Suli Hanit

Suli Hanit në Çarshinë e Vjetër të Shkupit, objekt i shek. XVI

Myftinia e Shkupit kërkon nga Qeveria që ti kthehet objekti i Suli Hanit në Çarshinë e Vjetër të Shkupit.
Sipas Myftinisë ky objekt me procesin e denacionalizimit duhej ti kthehet BFI-së dhe jo aty të lejohet vendosja e Fakultetit të Arteve.
Mexhit Osmani, student i Fakultetit të Shkencave Islame në Maqedoni thotë se nuk është e drejt që disa student tjerë të studiojnë aty kurse pronarët e vërtet të enden lartë-poshtë për të gjetur hapësira për studim.
“Publikisht kërkojmë që ky objekt i lidhur shpirtërisht me ne të bëhet vend ku ne do të studiojmë sipas traditës dhe kulturës islame.
Publikisht kërkojmë që ky objekt të kthehet në pronësi tonën dhe ti themi fund golgotës sonë për të ecur çdo ditë me dhjetëra kilometra jashtë Shkupit për hapësira studimi.
Derisa të tjerët munden, mundemi edhe ne. Kjo protestë e jona le të merret si fillim i një epoke të re për mënyrën e kërkesave tona për kthimin e pronave të nacionalizuara dhe ti thuhet Stop një herë e përgjithmonë diskriminimit fetarë duke filluar nga Qendra e Shkupit e deri në Manastir, Llazec, Prilep, Kumanovë, Strumicë dhe ky diskriminim më i ri në Radovish”, theksoi Mexhit Osmani – student i Fakultetit të Shkencave Islame. /alsat-m/