Arabia Saudite kërkon shpjegime nga katërshja për Jerusalemin

Arabia Saudite kërkon shpjegime nga katërshja për Jerusalemin

Arabia Saudite kritikoi ashpër deklaratat e kryeministrit izraelit Benjamin Netanjahu për Jerusalemin dhe kërkoi nga Katërshja për Lindjen e Mesme të japë sqarime lidhur me këto deklarata.
Një zëdhënës zyrtar saudit deklaroi se "Mbretëria Saudite pret sqarime nga Katërshja për politikën arrogante të Izraelit dhe kokëfortësinë e tij për të sfiduar komunitetin ndërkombëtar".
Në një komunikatë të publikuar nga agjencia zyrtare Spa, zëdhënësi kritikoi me forcë deklaratat e Netanjahut i cili ndodhet për vizitë në Uashington, ku ai "ka konfiskuar publikisht të drejtat e palestinezëve, arabëve dhe myslimanëve në Jerusalem pa marrë parasysh të drejtat legjitime të palestinezëve".
Netanjahu e ngriti tonin dje lidhur me Jerusalemin, duke mos i dhënë rëndësi pakënaqësisë së presidentit Barak Obama, i cili është kundër kolonizimit të territoreve të pushtuara palestineze.