Kuarteti i Lindjes së Mesme dënon planet izraelite për ngulime të reja hebreje

Kuarteti i Lindjes së Mesme dënon planet izraelite për ngulime të reja hebreje

Pakënaqësia ndaj politikës izraelite të ngulimeve hebreje po vazhdon.
Për një "sinjal shumë negativ" foli sekretarja amerikane e shtetit Hilari Klinton në një bisedë telefonike me kryeministrin izraelit Benjamin Netanjahu.
Planet e fundit për ngritjen e ngulimeve të reja kanë minuar besimin në procesin e paqes, nënvizoi Klinton.
Edhe i ashtuquajturi Kuarteti i Lindjes së Mesme i dënoi planet për ndërtimin e 1600 banesave të reja në Jerusalemin lindor të pushtuar.
Veprimet e tilla nuk pranohen nga bashkësia ndërkombëtare, thuhet në deklaratën e grupit në të cilin bëjnë pjesë Kombet e Bashkuara, Bashkimi Evropian, Rusia dhe Shtetet e Bashkuara të Amerikës. /dw/